Mijëra njerëz u mblodhën të dielën në Sheshin Skënderbej, për të ndjekur yllin ndërkombëtar të muzikës, Rita Orën, e cila dhuroi spektakël dhe emocione.
Përpos vlerësimeve të shumta, nga mediat vendase dhe ato të huaja, nuk mund të mungonin as zërat kritik për koncertin e saj.
Në një foto të publikuar në profilin e saj në Instagram, Rita falenderonte 250,000 personat që ishin atë mbrëmje në shesh.
Por, kritikët menjëherë e hodhën poshtë këtë shifër, duke u shprehur se sheshi nuk është aq i madh për të mbajtur kaq persona.
Si për të kundërshtuar këto zëra, ka reaguar përmes një postimin në Instagram, nëna e Rita Orës.
Vera Ora ka postuar një foto të Sheshit Skënderbej, teksa shkruan: “Kjo është një foto e botës, qyteti i Tiranës gjatë koncertit të Ritës”.
