Aston Villa siguron kualifikimin në Ligën e Kampionëve me stil, pas një fitoreje bindëse që i kaloi edhe Liverpoolin në renditje dhe nxori në pah problemet që kanë shoqëruar sezonin e dobët të skuadrës së Arne Slot.
Ollie Watkins ishte heroi i ndeshjes me dy gola, pasi më herët Virgil van Dijk kishte barazuar golin e mrekullueshëm të Morgan Rogers.
Më pas, kapiteni i Villas, John McGinn, vulosi fitoren me një goditje nga distanca.
Liverpool vazhdon të ketë probleme të mëdha në mbrojtje, duke pësuar tashmë 20 gola nga goditjet standarde këtë sezon – më shumë se çdo ekip tjetër në ligë.
Rogers përfitoi nga një skemë e punuar në goditje këndi në pjesën e parë, ndërsa Watkins shënoi sërish në të dytën.
Për Aston Villan, e cila kishte pasur formë të luhatshme në kampionat që nga fillimi i vitit, kjo fitore vjen si një shtysë e madhe vetëbesimi përpara finales së Europa League të mërkurën.
Ndeshja në “Villa “Park nisi me një atmosferë të qetë dhe ritëm të ulët, me të dy skuadrat që dukeshin sikur po e mbyllnin sezonin.
Unai Emery kishte hedhur në fushë formacion të plotë, pavarësisht se një finale europiane ishte afër, ndërsa Arne Slot ishte i detyruar të bënte ndryshime për shkak të mungesave të shumta.
Liverpool kishte disa rikthime të rëndësishme si Mohamed Salah dhe Florian Wirtz, por gjithsesi mungesa të shumta në skuadër e lanë trajnerin pa shumë alternativa.
Pjesa e parë nuk solli shumë raste, përveç disa përpjekjeve të pakta nga të dyja anët, deri kur Villa gjeti golin e parë pas një skeme të goditjes së këndit, ku Morgan Rogers finalizoi me një goditje të bukur në cepin e portës.
Liverpool u përpoq të reagojë dhe madje gjeti rrjetën me Virgil van Dijk pas një goditjeje dënimi, por VAR konfirmoi golin.
Pjesa e dytë solli më shumë intensitet dhe raste nga të dyja skuadrat, por Villa u tregua më efikase.
Watkins shënoi për 2-1 pas një gabimi në mbrojtjen e Liverpoolit dhe më pas vulosi fitoren me golin e tij të dytë.
Në fund, John McGinn kompletoi triumfin e madh me një gol nga distanca, duke siguruar një fitore që i çon Aston Villan në Champions dhe lë Liverpoolin të përballet me një sezon zhgënjyes në mbrojtje dhe konsistencë.
Aston Villa momentalisht ka 62 pikë në vendin e katërt, derisa Liverpool ka 59 pikë në vendin e pestë./GazetaExpress/
