Kryetari i Skenderajt, Bekim Jashari u shpreh i pakënaqur me punën e institucioneve të Kosovës për zbardhjen e fatit të të pagjeturve.
Jashari pas takimit me përfaqësuesit e Qendrës Burimore për Personat e Zhdukur si dhe familjarët e të pagjeturve shkroi se shprehu pakënaqësinë e tij për fatin e të pagjeturve, raporton Gazeta Blic.
Kryetari i Skenderajt thotë se ai është i gatshëm të jetë afë çdo fmailje që ka nevojë dhe do bashkëpunojnë si Komunë që të mbyllet kjo plagë.
Ky është postimi i tij i plotë:
Sot së bashku me zyrtarë komunal, pritem në takim përfaqësuesit e Qendrës Burimore për Personat e Zhdukur si dhe familjarët e të pagjeturve, me të cilët biseduam rreth trajtimit që po u bëhet këtyre familjeve nga ana e institucioneve të Kosovës.
Gjatë këtij takimi shpreha edhe një herë pakënaqesinë që kam ndaj institucioneve qendrore të cilat nuk kanë bërë aq sa duhet për zbardhjen e fatit të të pagjeturve.
Si kryetar i komunës, tregova gatishmëri të plotë se do të jemi afër çdo familje që ka nevoj, e po ashtu ne si komunë jemi të hapur për bashkëpunim në mënyrë që sa me parë ta mbyllim këtë plagë të madhe të shoqerisë sonë.
