Basha pret ambasadoren e re të Zvicrës, diskutohet bashkëpunim

Ministri i Infrastrukturës dhe Transportit, Dimal Basha, priti në takim Ambasadoren e re të Zvicrës në Kosovë, znj. Anne-Lise Cattin Hennin.

Gjatë takimit u diskutua për marrëdhëniet e shkëlqyera ndërmjet Kosovës dhe Zvicrës, rolin e rëndësishëm të mërgatës sonë në forcimin e këtyre lidhjeve, si dhe mundësitë për zgjerimin e bashkëpunimit bilateral.

Në fokus të veçantë ishin projektet konkrete në fushën e transportit, me synim avancimin e bashkëpunimit dhe zhvillimin e iniciativave të përbashkëta.