Një person është shoqëruar në stacionin policor në Podujevë pasi dyshohet se ka shtënë me armë zjarri gjatë një ahengu.
Rasti ka ndodhur më 24 korrik 2025, rreth orës 22:32, në rrugën “Skënderbeu” në Podujevë.
Sipas Policisë së Kosovës, njësitë policore kanë ndërhyrë dhe kanë konfiskuar një armë zjarri dhe një karikator pa fishek nga i dyshuari, mashkull kosovar, transmeton lajmi.net
Pas intervistimit dhe konsultimit me prokurorin e shtetit, i dyshuari është liruar në procedurë të rregullt, ndërsa ndaj tij është iniciuar rast penal për “Posedim dhe përdorim të paautorizuar të armës”.
Policia njofton se hetimet lidhur me rastin janë duke vazhduar./lajmi.net/
- Advertisement -
