Trajneri Carlo Ancelotti u maskua si gazetar dhe filloi t’i bënte pyetje Lorenzo Insignes, i cili e kuptoi vetëm brenda pak sekondash se çfarë po ndodhte.
Gjatë një eventi, i organizuar nga skuadra italiane, tifozët e klubit kishin mundësi t’i bënin pyetje tre yjeve të Napolit, Lorenzo Insignes, Kostas Manolas dhe Dries Mertens, përcjell lajmi.net.
Në fakt ishte trajneri Carlo Ancelotti ai që po argëtohej më së shumti në këtë event.
Ai qëndronte i ulur në mesin e publikut dhe, pa ndonjë paralajmërim, ia drejtoi një pyetje Lorenzo Insignes, i cili pak kohë më parë shmangu një pyetje nga një tifoz për lidhjen e tij më të mirë me ekipin kombëtar sesa me Napolin.
Në fillim Insigne filloi ta dëgjojë me seriozitet pyetje e trajnerit të tij, i cili u prezantua si “Carlo da Reggiolo”, por pastaj filloi të qeshë.
“Desha ta pyes kapitenin Lorenzo Insignen: Pse luan më mirë për ekipin kombëtar sesa për Napolin”, tha duke qeshur ish-trajneri i shumë skuadrave të njohura evropiane.
“Është gjithë faji i trajnerit, ti e di këtë gjë”, u përgjigj sulmuesi, duke qeshur së bashku me dy futbollistët e tjerë të ftuar.
FOX Sports✔@FOXSportsIT
