Një aksident trafiku ka ndodhur në Skenderaj, e aty kanë mbetur të lënduar pesë persona.
Avni Zahiti, zëdhënës i Policisë Rajonale të Mitrovicës, ka konfirmuar për Express se aksidenti ka ndodhur në rrugën Azem Bejta dhe janë përfshirë një kamionetë dhe një veturë.
“Një aksident trafiku me të lënduar ka ndodhur sot në orën 11:25, në rrugën ‘Azem Bejta’ në Skenderaj, në aksident ishin të përfshira një kamionetë dhe një veturë, ndërsa si pasojë e aksidentit lëndime kanë pësuar pesë persona të cilët kanë kërkuar trajtim mjekësor në Spitalin Rajonal të Mitrovicës- më pas janë liruar”, ka thënë Zahiti.
Sipas policisë, dyshohet se shkaktar i aksidentit është vozitësi i kamionetës.
“Nga hetimet e para në vendit të ngjarjes behet e ditur se shkaktar i aksidentit dyshohet te jetë veprimi I drejtuesit të kamionetës i cili merr veprim për kthim gjysmë rrethor pa u siguruar se mund te rrezikoj pjesëmarrësit tjerë me ç’rast ka goditur veturën tjetër”, ka thënë zëdhënësi i Policisë. /Express/
