Zvicra dëshiron ta zgjas orarin e punës, 50 orë në javë

Shoqata e Tregtisë Zvicerane (SGV) dhe disa politikanë me ndikim të Partisë Popullore Zvicerane (SVP) dhe Partisë Liberale (FDP) kanë propozuar 50 orë në javë pune për të gjithë punëtorët në Zvicër, shkruan albinfo.ch.

Në mënyrë të veçantë, bëhet fjalë për orët e punës më fleksibël, pushimet dhe periudhat e pushimit.

 

 

SGV bën thirrje për një reduktim të “rregullave të panevojshme në lidhje me punën dhe periudhat e pushimit”, shkruajnë mediat zvicerane.

Sot, Zvicra ka një kohë maksimale javore pune prej 45 orësh. Kjo vlen për punonjësit e zyrave, kompanitë industriale dhe punonjësit e tregtisë me pakicë.