“Sport” zbulon emrin e klubit të ri të mbrojtësit fantastik të Ajax Amsterdam, Matthijs De Ligt, i cili është aktualisht një prej futbollistëve më të kërkuar në botë.
Qendërmbrojtësi i Ajaxit ka shkëlqyer me paraqitjet e tij gjatë këtij sezoni, duke zgjuar interesim nga klube të mëdha evropiane, përfshirë Barcelonën, Manchester Cityn dhe Juventusin.
Por, e përditshmja sportive katalane “Sport” raporton se Barcelona është favorite për transferimin e tij në merkaton e verës.
De Ligt thuhet se preferon t’i bashkohet shokut të tij, Frenkie de Jong, i cili tashmë ka zyrtarizuar transferimin në “Camp Nou” për sezonin e ri.
