Të premten mbahet ceremonia inauguruese e fluturimeve të kompanisë ajrore “Wizzair” në Aeroportin Ndërkombëtar të Prishtinës “Adem Jashari”.
Ky fillim i fluturimeve shënon operimin në tregun e Kosovës, të një prej kompanive më të mëdha në Evropë që operon me kosto të ulët (low cost).
Para aterimit të aeroplanit të “Wizzair”, në ANP “Adem Jashari” drejtori gjeneral i LKIA së bashku me përfaqësues të kompanisë ajrore Wizzair do t’ju drejtohen mediave për të shpalosur përkushtimin për shërbime të reja ajrore.
