Kryetari i Partisë Demokratike të Kosovës, Kadri Veseli, ka kaluar fundjavën bashkë me qindra të rinj të rajonit të Zhupës, në afërsi të Prizrenit.
Kreu i PDK’së ka treguar nëpërmjet një shkrimi në faqen e tij në Facebook se ka ndjekur turneun tradicional të futbollit, ndërsa ka përgëzuar lojëtarët që arritën ta fitojnë finalen.
“Sot në Reçan, në praninë e qindra qytetarëve të rajonit të Zhupës dhe më gjerë, së bashku me ministrin Rasim Demiri ndoqëm edhe turnirin tradicional të futbollit, i cili organizohet tash e 4 dekada. Me një lojë të shkëlqyeshme të dy ekipeve, lojëtarët e ekipit nga Lubinja e Epërme arritën ta fitojnë finalen e këtij turniri. Përgëzime për të gjithë!”, ka shkruar Veseli në Facebook.
- Advertisement -
