Çifti i njohur futbollistik, Fatmire “Lira” Alushi dhe Enis Alushi, kanë prekur zemrat e ndjekësve me një postim tejet romantik.
Ish-futbollistja e përfaqësueses së Gjermanisë i ka dedikuar një mesazh të ndjerë bashkëshortit të saj, ish-futbollistit të Kosovës, me rastin e 40-vjetorit të lindjes së tij, shkruan Indeksonline.
Në postimin e saj, Fatmire shpreh mirënjohje të thellë për Enisin, duke e cilësuar si zemrën e familjes, shtyllën e qetësisë dhe mbështetjen më të madhe për të dhe fëmijët e tyre. Ajo thekson dashurinë, përkushtimin dhe rolin e tij si bashkëshort i përkryer dhe si shembull i jashtëzakonshëm për fëmijët.
“Ti je shtëpia ime”, është mesazhi që përmbledh ndjenjat e saj, ndërsa dita shënohet si një festë për njeriun, babanë dhe partnerin që ajo e përshkruan si të mrekullueshëm.
