Kamenica kujdeset për shëndetin e fëmijëve në çerdhe, hap tender për sigurime shëndetësore

Një hap i veçantë në kujdesin për më të vegjlit. Komuna e Kamenicës ka hapur tender në vlerë prej 48 mijë eurosh për sigurimin shëndetësor të fëmijëve në çerdhe, një nismë kjo e munguar në komunat tjera të Kosovës.

Komuna e Kamenicës ka hapur procedurë të prokurimit për blerjen e shërbimeve të sigurimit shëndetësor për fëmijët që vijojnë qëndrimin në çerdhe.

Sipas njoftimit të publikuar më 23 tetor 2026, vlera e parashikuar e kontratës është 48 mijë euro.