Kandidati republikan për president të ShBA-ve, Donald Trump, ka thënë se nuk do të tërhiqet nga gara pas publikimit të incizimit telefonik në mediat amerikane.
Trump ka qenë nën presion pas publikimit të një video-incizimi, në të cilën është dëgjuar duke dhënë komente të turpshme seksuale ndaj grave e cila u publikua të premten.
Ai i tha Wall Street Journal se “shanset për tu tërhequr janë zero”, duke shtuar se ka një përkrahje të pabesueshme.
Republikanët i dënuan komentet e tij në video-incizim, transmeton KosovaPress. Hillary Clinton në anën tjetër komentet e Trump i quajti “të tmerrshme”.
- Advertisement -
