Tërmeti 5.1 shkallë shkund Francën

Një tërmet ka goditur Francën Perëndimore, duke u ndjerë deri në Bordeaux në jug dhe Normandi në veri.

Deri tani nuk është raportuar për ndonjë dëm, thuhet sipas Michael Bernier, zëdhënës i shërbimit për siguri kombëtare. Ai tha se tërmeti dridhi shumë rajone, pasi “shumë njerëz e ndjenë atë”.

Shërbimi kombëtar sizmik thotë se epiqendra e tërmetit 5.1 shkallë të premten ishte afër qytetit të Bressuire. Tërmeti shkundi disa qytete të Francës, duke përfshirë Le Mans, Nantes, Rennes dhe Caen, transmeton Gazeta Express.