Unioni i Studentëve të Kosovës sot kanë dalur në sheshet e Prishtinës për të mbajtur aktivitete me rastin e shënimit të Ditës së Evropës.
Ata në duar mbanin sllogane ”deri kur do të na mbani peng”, duke iu referuar mos liberalizimit të vizave ndaj qytetarëve të Kosovës.
Agron Mehmeti, kryetar i unionit ka thënë se studentët janë të izoluar andaj kanë marr 120 zarfe me aplikacione për të aplikuar për viza, raporton Periskopi.
Këto zarfe, ata do ua dërgojnë deputetëve që të shohin maltretimin e qytetarëve për të aplikuar për vizë.
”Zarfet nuk po na lejojnë m’i dorëzu brenda por do i lëmë tek hyrja që të arrijnë deri te deputetët”, ka thënë Mehmeti.
Përndryshe, sot të gjitha institucionet e Kosovës janë në pushim për nder të kësaj feste, ndërsa ambasadat e huaja në vend po punojnë ashtu sikurse edhe vendet e Bashkimit Evropian./Periskopi/
