Ambasada e Shteteve të Bashkuara të Amerikës në Tiranë tha se po nis “një kapitull i ri në Shqipëri” me rastin e marrjes së detyrës së ambasadorit të ri, Eric Wendt.
Ambasada amerikane njoftoi për këtë në një njoftim në rrjetet sociale.
“Një kapitull i ri nis në Shqipëri! Trupa e Marinsave e Shteteve të Bashkuara ngriti flamurin amerikan në rezidencën zyrtare, teksa Ambasadori Wendt nis detyrën e tij. Nën udhëheqjen e Presidentit Trump, aleancat tona janë më të forta kur qëndrojmë së bashku, ndajmë përgjegjësitë dhe punojmë për një të ardhme më të begatë e më të sigurt për të dy vendet tona”, thuhet në njoftim.
