Nëse ka një shembull që duhet marrë për mësim është ai i “Skifterave” të Gjilanit.
Paraqitjes së mirë në derbi ndaj rivalit të përbetuar Dritës ia shton edhe më shumë hijeshinë organizimi i tyre për të mbledhur mbeturina e hedhura në tribunën veriore të stadiumit “Fadil Vokrri”, aty ku ishin të vendosur armata kuqebardh.
Tifo grupi gjilanas ka dhënë një mesazh fantastik pas duelit të së dieles, i cili përfundoi me rezultatin më të padëshiruar 0-0.
Mbetjet nga koreografia e tyre dhe gjësendet e hedhura gjatë ndeshjes u pastruan në fundin e ndeshjes nga një grup i organizuar tifozësh.
Me të vërtetë një gjest që nuk do shumë koment, por sensibilizim që të gjithë të ndjekin këtë rrugë.
Kujtojmë që gjatë Botërorit ‘Rusia 2018’ tifozët japonezë pas çdo ndeshje pastronin stadiumin dhe tani si duket shembullin e mirë të tyre e kanë ndjekur edhe Skifterat.
