Mbrëmjen e kësaj të shtune, në orën 20:10, në “Gjurmë Shqiptare” të gazetarit Marin Mema do të rihapet një dosje e mbetur gjithmonë në terr.
Si u stërvitën grupet e para të UÇK-së në Shqipëri dhe kush e firmosi marrëveshjen në vitin 1991?
A u dekonspiruan luftëtarët pas rikthimit në Kosovë? Çfarë thonë dokumentet dhe dëshmitarët e kohës, ish-krerët e UÇK-së dhe politikanët më të lartë shqiptarë?
Përse shumë prej luftëtarëve u arrestuan në mesvitet ’90 nga autoritetet shqiptare dhe cili ishte roli i SHIK-ut të Gazidedes?
A ka pasur lidhje të nëndheshme mes Tiranës zyrtare dhe Beogradit dhe a u dorëzuan nga kryeqyteti shqiptar tek UDB-ja, listat e luftëtarëve që kërkonin lirinë e Kosovës?
Të vërteta, dëshmi e dokumente të panjohura do të publikohen për herë të parë sot në mbrëmje.
Në orën 20:10, gazetari Marin Mema sjell dokumentarin “Kush nuk e donte në Shqipëri UÇK-në…?!”
