Shkolla e Mesme Profesionale “Fehmi Lladrovci” në Drenas, ka shënuar ditën e shkollës, ku merrnin pjesë stafi i shkollës, nxënës, kryetari i Komunës, Ramiz Lladrovci, nënkryetari Gani Sylaj, drejtori i DKA-së, Tafil Halilaj dhe personalitete të tjera.
Drejtori i ShMP-së “Fehmi Lladrovci”, Lulzim Nika ka falënderuar të pranishmit për pjesëmarrje në shënimin e ditës se shkollës dhe ka numëruar sukseset dhe sfidat e institucionit arsimor që ai drejton. Nika ka thënë se ndjehet krenar për sukseset e mësimdhënësve dhe nxënësve, sidomos me rastin e marrjes së çmimit të parë në javën e shkencës të mbajtur nga “Don Bosko”.
Nënkryetari i Komunës, Gani Sylaj, ka uruar gjithë stafin e shkollës dhe nxënësit për ditën e shkollës dhe ka shtuar se Komuna e Drenasit do të vazhdoj përkushtimin në ngritjen e cilësisë në mësimdhënie e mësimnxënie.
Në shënimin e ditës së shkollës, Drejtori i shkollës, Lulzim Nika ka ndarë mirënjohje për mësimdhënës të dalluar dhe për nxënësit që kanë treguar suksese.
