Një avion i kompanisë ajrore kubane ”Cubana” u rrëzua sot pak pas ngritjes në fluturim nga aeroporti ”Jose Marti” i Havanës, raportuan burime zyrtare.
CNN raportoi për një aksident pranë aeroportit ndërkombëtar, ndërsa burimet aeroportuale dhe disa dëshmitarë thanë për median se një Boeing 737, i cili mori drejtimin nga Holguin (në lindje të Kubës), u rrëzua pak pas nisjes nga pista e aeroportit.
Një re e dendur tymi është ngritur në afërsi të aeroportit, raportuan të njëjtat burime.
