Nuk kanë kaluar shumë ditë që kur ish-Komandanti i Ushtrisë Çlirimtare të Kosovës, Rrustem Mustafa, udhëtoi për në Hagë ku u intervistua nga Gjykata Speciale, transmeton Gazeta Metro.
Mustafa, i njohur si Remi, me tu kthyer i ka shkuar për vizitë kryeparlamentarit të Kosovës njëherësh edhe bashkëluftetarit të tij, Kadri Veseli.
Këtë e ka bërë të ditur vet Veseli, përmes një postimi në rrjetin social Facebook.
‘Ishte kënaqësi të pres në zyrën time, bashkëluftëtarin dhe mikun tim Remin, pas kthimit të tij nga Haga’, ka shkruar ai.
Derisa tutje, Veseli ka shtuar se Gjykata Speciale është edhe një provë më shumë për luftën e drejtë të UÇK’së.
Kujtojmë se bashkë me Remin për në Hagë, ditë më parë ka udhëtuar edhe ish-Komandanti për Zonën e Drenicës, Sami Lushtaku.
Remi ka bërë të ditur se nga prokurorët ndërkombëtarë u intervistua si ‘’dëshmitar i dyshuar’’, derisa Lushtaku nuk është deklaruar pas intervistimit, dhe nuk ka treguar se në çfarë cilësie është marrë në pyetje.
