“Po shkojë në Burojë, po të pres për çaj atje” – Thaçi tregon bisedën e fundit me babain e tij
Ish-presidenti i vendit, Hashim Thaçi në një intervistë në “Rubikon” ka treguar për rikthimin në Kosovë pas disa viteve, kur shkoi për të vizituar babain e tij, tashmë të ndjerë, në spital.
Ai tha se Kosova i dukej disi më e lidhur, më e molisur, transmeton lajmi.net
“Po kthehesha më i thinjur, por kisha ndjesinë se Kosova disi ishte e lodhur dhe e molisur. Edhe pse nuk jam nga ata që nga mosprezenca në mjedis të ndikohem që gjërat t’i shoh bardhezi. Përkundrazi.Kam besim të pathyeshëm në ecjen e Kosovës.”, tha ai.
Tutje, ish-presidenti tregoi bisedën e fundit me babain e tij, tashmë të ndjerë, Haxhi Thaçi.
“Disa herë më pyeti ‘A je kthy me shokët?’, duhej t’i thoja ‘Po’. U gëzua si fëmija.”, tha Thaçi ndër të tjera.
Lexo edheArabia Saudite nënshkruan marrëveshje për rindërtimin e Sirisë
“I thashë ‘po shkoj në Burojë të pres atje për çaj’, mu përgjigj, ‘shumë mirë, shko se edhe unë vij me kismet shpejt, nuk kam çka me nejt këtu’. Me çdo kusht dëshironte të kthehej në shtëpi”, shtoi ish-presidenti./lajmi.net/
