E ardhmja e Neymar Jr duket tashmë e qartë. Futbollisti brazilian ka vendosur të vazhdojë aventurën e tij në vendlindje, duke rinovuar kontratën me Santosin deri në fund të vitit 2026.
Pavarësisht zërave të shumtë për një rikthim të mundshëm në Europë, 33-vjeçari ka preferuar të qëndrojë në Brazil, aty ku dëshiron të rikthejë formën më të mirë dhe të tregojë se ende ka shumë për të dhënë në fushën e lojës.
Neymar u rikthye te Santos pas një periudhe të vështirë të shoqëruar me dëmtime, ndërsa drejtuesit e klubit besojnë se përvoja dhe cilësitë e tij do të jenë vendimtare për objektivat e ekipit në vitet në vijim.
