Plagosja në Miradi, policia ende në kërkim të të dyshuarit

I dyshuari për plagosjen me armë zjarri që ndodhi të martën në fshatin Miradi të Fushë Kosovës vazhdon të jetë në arrati.

Sipas policisë, viktima, mashkull kosovar, ka marrë trajtim mjekësor në QKUK pasi është plagosur me armë zjarri nga një person tjetër.

Në vendin e ngjarjes, policia ka gjetur dhe sekuestruar tri gëzhoja.

“I dyshuari ndodhet në kërkim policor. Rasti është duke u hetuar”, thuhet në raportin e Policisë.