Beteja ligjore midis Brad Pitt dhe Angelina Jolie për vreshtarinë e tyre franceze Château Miraval ka arritur në tjetër nivel.
Sipas dokumenteve të gjykatës të paraqitura në fund të tetorit, Pitt po kërkon 30 milionë euro dëmshpërblim nga ish-gruaja e tij për shitjen e aksioneve të saj në pasuri, transmeton Indkeosnline.
Paditë bazohen në email-et e dërguara nga avokatët e Angelina Jolie vitin e kaluar, të cilat ekipi ligjor i Pitt tani i ka paraqitur si provë, raporton People.
Ekipi i Pitt paraqiti një komunikim të ri në gjykatë më 29 tetor në lidhje me shitjen e aksioneve të Jolie në punishte vere në vitin 2021.
Ndër provat është një email nga nëntori 2023, në të cilin avokatët e aktores së famshme i përgjigjen padisë së Pitt. “Z. Pitt krijoi vetë kompleksitetin e këtij projekti për veten e tij , ai po padit znj. Jolie dhe po kërkon 30 milionë euro dëmshpërblim”, shkruan avokatët në atë kohë.
“Prandaj, ai duhet të mbajë koston e përgatitjes së dokumenteve që do të tregojnë (ose nuk do të tregojnë) këto dëme të supozuara.”
