Big Brother VIP Kosova 4 vazhdoi me zhvillime interesante mbrëmjen e së premtes, kur publiku u surprizua me hyrjen e dy motrave në shtëpinë më të ndjekur në vend.
Bëhet fjalë për Suanita dhe Aurora Rrusta nga Drenica, të cilat këtë edicion po garojnë me një rregull unik. Edhe pse janë dy motra, ato konsiderohen si një konkurrent i vetëm dhe ndajnë mes vete vetëm një biletë fati, çka pritet të ndikojë drejtpërdrejt në strategjinë e tyre të lojës.
Suanita njihet si këngëtare, por ka qenë e tërhequr nga skena muzikore për rreth gjashtë vite, ndërsa pjesëmarrja në Big Brother VIP shënon një kapitull të ri për të. Nga ana tjetër, Aurora është influencere aktive në rrjetet sociale, ku ka ndërtuar një komunitet të gjerë ndjekësish.
Hyrja e tyre ka krijuar reagime të menjëhershme brenda shtëpisë, pasi bashkëpunimi i vazhdueshëm dhe vendimet e përbashkëta mund të sjellin situata të papritura dhe tensione të reja mes banorëve.
