Kryetri i PDK-së, Kadri Veseli ka njoftuar se kësaj partie i është bashkuar një ekonomist.
Fjala është për Lulzim Berishën, që sipas Veselit ka dhënë kontribut të vazhdueshëm që nga viti 2007 në sektorin publik dhe privat.
Njoftimi i plotë i Veselit:
Ekonomisti me përvojë shumëvjeçare në fushën e kontabilitetit dhe auditimit, Lulzim Berisha, iu bashkua Partisë Demokratike të Kosovës.
Lulzimi ka dhënë kontribut të vazhdueshëm që nga viti 2007 në sektorin publik dhe privat, në Ministrinë e Financave, në Odën Ekonomike të Kosovës, në Shoqatën e Kontabilistëve të çertifikuar dhe auditorëve të Kosovës.
Në të kaluarën ka qenë edhe Kryetar i Komisionit për Licencim të Firmave dhe Auditorëve Ligjor, si dhe Anëtar i Komisionit për Kontroll të Kualitetit.
Si ekspert ekonomie dhe si pjesë e PDK-së, ai do të vazhdojë ta japë kontributin e tij në ndërtimin e të ardhmes së Kosovës.
