Para ndeshjes kundër Izraelit, vashat “helvetike” mbajnë një minut heshtje për viktimat në Gaza
Kombëtarja e femrave të Zvicrës ka mbajtur një minutë heshtje gjatë stërvitjes së fundit para ndeshjes ndaj Izraelit, në kujtim të viktimave të luftës në Gaza.
Federata Zvicerane e Futbollit (SFV) publikoi një fotografi të ekipit të mbledhur në mesin e fushës, shkruan Indeksonline
“Futbolli përfaqëson respektin dhe lojën e ndershme. Ne jemi të përkushtuar ndaj paqes dhe flasim hapur kundër dhunës ndaj civilëve dhe kundër konflikteve në të gjithë botën.”
Lexo edhe“Çdo ditë gati për Kombëtaren A”, Hekuran Berisha po shkëlqen: I kënaqur me paraqitjet, por s’duhet ndalur!
Kapitenia Lia Walti tha se vendimi ishte diskutuar nga e gjithë skuadra dhe stafi, duke theksuar se qëllimi nuk ishte të bëhej një deklaratë mediatike.
“Nuk kishte të bënte kurrë me bërjen e një deklarate për median. Përkundrazi, kishte të bënte me ne si ekip që shprehnim simpatinë dhe mendimet tona për ata që preken”, u shpreh Walti.
Zvicra dhe Izraeli përballen në ndeshjen e parë të play-off-it për Kupën e Botës, ndërsa futbollistet zvicerane tashmë janë fokusuar te sfida në fushë./Indeksonline/
