Ambasadori i Republikës së Kosovës në Republikën Federale të Gjermanisë, Beqë Cufaj, është ftuar më 4 Ddjetor në Ministrinë e Komunikacionit dhe Çështjeve Digjitale të Qeverisë së Gjermanisë.
Në këtë takim, ambasadori Cufaj është pritur nga drejtori i kësaj ministrie, Guido Zielke me bashkëpunëtorë.
Pasi kanë shqyrtuar aspektete relevante të bashkëpunimit midis dy shteteve, pikë kryesore e takimit ka qenë njohja reciproke e patentëshoferëve midis dy vendeve pas aplikimit zyrtar që Kosova ka bërë vjeshtën e vitit 2018.
Zielke ka njoftuar ambasadorin Cufaj se Qeveria e Gjermanisë e përkrah njohjen reciproke të patentëshoferëve midis Kosovës dhe Gjermanisë. Procesi në fjalë ka shënuar progres të dukshëm dhe po punohet që me hapa të shpejtë të përmbyllet procesi, i cili nga pala gjermane në nivel teknik përmbyllet nga ministria në fjalë dhe ministrat përkatës të 16 republikave gjermane në Konferencën e tyre vjetore. Kosova ka shënuar progres në këtë proces.
Zielke ka njoftuar ambasadorin Cufaj që një delegacion i kësaj ministrie në muajin janar do të udhëtojë për në Kosovë për të parë edhe gjendjen në terren: situatën me qendrat testuese, prodhimin e patentëshoferëve, sidomos shqyrtimin e situatës në aspektin e sigurisë rrugore në Kosovë- pasi që procesi lidhet drejtpërdrejt, sidomos me aspektet e sigurisë, sidomos numrin e aksidenteve në rrugët e Kosovës.
Ambasadorit Cufaj i është thënë po kështu se Qeveria e Gjermanisë është plotësisht e vetëdijshme për nevojë dhe domosdshmërinë e përmbylljes së këtij procesi prandaj edhe urgjenca e kësaj vizite.
Ambasadori Cufaj ka falënderuar për përkrahjen e vazhdueshme të Qeverisë së Gjermanisë dhe ka siguruar zyrtarët gjermanë që institucionet relevante në Kosovë janë të gatshme të presin delegacionin gjerman në janar, në Kosovë.
