Deputetët e Partisë Demokratike të Kosovës kanë vazhduar edhe sot aksionin e tyre para objektit të Qeverisë së Kosovës, duke bllokuar hyrjen në shenjë proteste ndaj mos-thirrjes së vazhdimit të seancës konstituive të Kuvendit.
Aksionit të PDK-së i janë bashkuar edhe deputetë të Aleancës për Ardhmërinë e Kosovës, si dhe asamblistë të PDK-së nga Komuna e Vushtrrisë.
Gjatë aktivitetit, deputetja e PDK-së, Ganimete Musliu, iu drejtua stafit të Qeverisë me një pyetje lidhur me kryeministrin në detyrë, Albin Kurti.
“Veç po më intereson me ditë a ka hy (Kurti)?”, pyeti Musliu.
