Ka filluar regjistrimi i nxënësve në klasën e 10-të në shkollat e mesme të larta, Gjimnazin “Gjergj Kastrioti Skënderbeu” dhe në SHMP “Fehmi Lladrovci” në Drenas për vitin shkollor 2020/2021.
Me këtë rast, Drejtori i Drejtorisë Komunale të Arsimit, Muhamet Gjoka, bashkë me stafin komunal ka vizituar shkollat e mesme, për të parë nga afër mbarëvajtjen e procesit të regjistrimit të nxënësve.
Në dy takimet me drejtorët e shkollave, Drejtori Gjoka është njoftuar me interesimin e nxënësve për regjistrim në drejtimet që ofrojnë këto shkolla, duke potencuar se orientimi i hershëm në karrierë, siguron sukses në të ardhmen.
Ndërsa, Lulzim Nika, Drejtori i SHMP-së “Fehmi Lladrovci dhe Mentor Sahiti, drejtori i Gjimnazit “Gjergj Kastrioti Skënderbeu”, kanë treguar se procesi i regjistrimit po zhvillohet pa telashe dhe se ka interesim të madh të të rinjve.
Vlen të theksohet se masat e rekomanduara nga IKSHP po zbatohen, si mbajtja e distancës ndërmjet nxënësve, vendosja e maskave, për të cilat masa janë vendosur edhe poster në hyrje të objekteve shkollore e në hapësirat e brendshme.
Për më shumë informacione rreth konkursit për regjistrim të nxënsve, drejtimet dhe dokumentet të cilat duhet të plotësojnë nxënësit, i gjeni në këtë link: https://kk.rks-gov.net/…/uplo…/sites/10/2020/08/KONKURS1.pdf
