Faton Peci i jep “dritën e gjelbër” kontratës 309 mijë euroshe për semaforët

Komuna e Mitrovicës, e udhëhequr nga kryetari Faton Peci, ka dhënë një kontratë në vlerë prej 309 mijë e 320 eurosh për mirëmbajtjen e semaforëve dhe vendosjen e tabelave të reja digjitale të trafikut.

Sipas të dhënave të publikuara në E-prokurim, kontrata është lidhur për 24 muaj, ndërsa shuma e parashikuar fillimisht ishte 320 mijë euro, shkruan IndeksOnline.

Bëhet fjalë për një tender të ritenderuar, në të cilin është dorëzuar vetëm një ofertë.

Kontrata i është dhënë grupit të operatorëve ekonomikë “Techno Inspect” SH.P.K., “Bahri Asllani” dhe “I.T.K.” SH.P.K.