Lidhja Demokratike e Kosovës ka nisur mbledhjen e Kryesisë.
Në këtë mbledhje, LDK pritet të vendos për emrin e kandidatit për kryeministër nga kjo parti, që do të udhëheq me qeverinë e re pas rrëzimit të Kurtit.
Gjatë ditës së djeshme, në takimin që presidenti Thaçi mbajti me liderë të partive politike, pas dëgjimit të opinioneve në këta të fundit, u vendos që opcioni për krijimin e një qeverie të re është më i dëshirueshmi, përjashtuar Vetëvendosjen të cilët kërkojnë zgjedhje të reja.
Ende nuk dihet se kush pritet ta marrë besimin e LDK-së për të udhëhequr me qeverinë e re, teksa emri më i lakuar ka qenë ai i kryetarit të partisë, Isa Mustafa. /Lajmi.net/
- Advertisement -
