Kryeministri në largim i vendit, Isa Mustafa ka qenë pjesë e aktivitetit vjetor tradicionale ‘Të Qethat 2017’, në bjeshkët e Studenicës në Istog.
Me këtë rast Mustafa ka theksuar se ka takuar shumë bashkatdhetarë të cilët sipas tij gëzojnë secilin me praninë e tyre në manifestimet tradicionale që zhvillohen në Kosovë, shkruan Indeksonline.
Ky është postimi i plotë:
Kënaqësi e veçantë të marr pjesë në aktivitetin vjetor tradicional “Të Qethat 2017”, në bjeshkët e Studenicës në Istog. Pata nderin të takoj shumë bashkatdhetarë që jetojnë në vendet perëndimore e që na gëzojnë me praninë e tyre në manifestimet tradicionale që zhvillohen në Kosovë. Kosova ka resurse të mahnitshme të cilat duhet të përkrahen edhe më tej nga institucionet tona në mënyrë që të kemi zhvillim ekonomik, të ruhen prodhimet dhe artizanatet tona tradicionale dhe që vendi ynë të ec përpara.
