Protestuesit janë penguar nga sigurimi i partisë e nuk janë lejuar që t’i vendosin pankartat e njejta të cilat paraprakisht i kanë vendosur te selia e AAK-së, VV-së, e PSD-së.
Përfaqësuesit e OJQ-ve janë larguar me dhunë nga sigurimi i PDK-së.
Ismet Kryeziu në emër të organizatave tha se të gjitha partitë politike kanë qenë të njoftuara për aksionin e tyre, ndërsa i ka bërë thirrje kryetarit të PDK-së Kadri Veseli që të sigurojë të gjithë për të protestuar lirshëm.
Ndryshe, sot organizatat e shoqërisë civile kanë marshuar në kundërshtim të Projektligjit për Financimin e Subjekteve Politike.
Marshi ka nisur nga sheshi “Skënderbeu”, dhe ka vazhduar me ndalje te shkurtra në selitë e gjashtë partive më të mëdha parlamentare.
