Mërgimtarit i plaçkitet vetura në Klinë: I vjedhin mijëra euro dhe dokumente
Një kosovar, që jeton në Perëndim, është ballafaquar me një situatë fort të pakëndshme, këto ditë. Disa hajduta, atij ia kanë thyer veturën dhe i kanë vjedhur mijëra euro, transmeton Gazeta Metro.
Pasi ka dalë nga një restorant, Adriatik Berisha është tmerruar kur ka parë veturën e tij. Ishte plaçkitur nga dikush.
Hajnat i kanë thyer njërin xham të automjetit, dhe i kanë vjedhur gjëra të vlefshme, që i ka pasur brenda.
Ngjarja ka ndodhur tek Ujëvara e Mirushës, në Klinë, ka treguar Berisha për Gazetën Express.
Lexo edheTallja e ministrisë, thonë se janë rreth 15 mijë vende të lira të punës në Kosovë
Berisha ka thënë se i janë vjedhur pesë mijë euro, që i ka pasur në një çantë brenda veturës. Në çantë ka pasur edhe dokumente, ka treguar ai.
Vetë ai ka shpërndarë edhe disa fotografi, ai ka kërkuar ndihmë që të gjinden keqbërësit.
