Bordi i Drejtorëve i Komunës së Skenderajt i udhëhequr nga Nënkryetari Fadil Nura ka mbajtur takimin e radhës në të cilin ka diskutuar për: nivlelin e të hyrave komunale, ridestinimin e të hyrave për vitin 2016, përgatitjet për shënimin e 18 vjetorit të Masakrës së Izbicës, fillimin e punimeve në projektet e infrastrukturës, vazhimin e eliminimit të deponive ilegale të mbeturinave, fillimin e procesit të rindërtimit kadastral edhe për katër zona kadastrale dhe për efikasitetin e administratës komunale, transmeton Drenica Press.
Bordi ka diskutuar edhe çështje të tjera aktuale dhe të rëndësishme për qytetarët e Skenderajt. Punimet në disa projekte infrastrukturore kanë nisur, ndërsa në shumicën e projekteve punimet do të nisin javën e ardhshme.
Në objektin e ri të shkollës së Çirezit, në hapësirat e QKMF-së dhe në projektin e trotuarit në Llaushë, punimet tashmë po zhvillohen me intesitet të shtuar.
