Deputeti i LSDM’së Muhamed Zekiri beson se referendumi i sotëm në Maqedoni ishte i suksesshëm.
Pas kësaj tregon se marrëveshja do të dërgohet në parlament.
“Jemi të bindur se shumica e atyre që kanë dalë në votim kanë votuar pro ndryshimit të emrit”, tha Zekiri për televizionin 7.
“Do të tentojmë të arrijmë edhe 9 votat e duhura në parlament”, shpjegoi ai.
Në të kundërtën, thotë se vendi do të shkojë në zgjedhje të reja.
Por shpresat ekzistojnë se do të mund të kenë 9 votat e kërkuara në parlament.
“Shpresa kemi. Këtë e dëshmuan edhe një pjesë e deputetëve të opozitës të cilët sot morën pjesë në referendum pavarësisht thirrjes ndryshe nga kryetari”, tha Zekiri.
Sipas Komisionit Elektoral Maqedonas, pjesëmarrja në referendum nuk është më shumë se 35%.
