Sot fillon punën Aeroporti Ndërkombëtar në Astana të Kazakistanit me kapacitet mbi 5 milion pasagjerësh në vit shkruan arbresh.info.
Mabetex Grup në një kohë rekorde ka arritur t’i përfundojë të gjitha punët e kontraktuara për renovimin e Aeroportit të Astanas.
Në hapjen e aeroportit ishte Presidenti i Mabetex Group, Afrim Pacolli, i cili falënderoi Presidentin Behgjet Pacolli për ndihmën dhe përkrahjen që i ka dhënë gjatë gjithë kohës.
Njëherit ai falënderoi gjithë familjen, vëllezërit për përkrahjen e vazhdueshme që i kanë dhënë dhe gjithë punëtorë e Mabetex Group pa marrë parasysh kombësinë, e në veçanti ai falënderoi stafin udhëheqës dhe punëtorët nga Kosova dhe Shqipëria që punuan me profesionalizëm të madh, përkushtim të lartë, që edhe njëherë treguan veten që dijen të punojnë edhe dinë t’i përfundojnë me kohë punët e kontraktuara.
Mabetex Group edhe një herë arriti të tregoj përkushtimin që ka gjatë punës që bënë në vendet e ndryshme të botës, por kjo mundësi asnjëherë nuk ju dha në Kosovë./arbresh.info/
