Besa Luzha nga shoqëria civile ka vlerësuar se diskursi politik ende nuk ka arritur në momentin ku partitë politike tregojnë se çfarë ofrojnë.
Luzha në Analiza Zgjedhore ka thënë se fokusi ende mbetet tek e kaluara.
“Ndoshta koha është shumë e shkurtër dhe shtrohet pyetja se çka mundet me pas ndryshe prej premtimeve, ngaqë problemet që kishin ekzistuar në zgjedhjet e kaluara vazhdojnë ende”.
“Besoj që diskursi do të sillet andej por do të kemi një garë se kush do ta mbrojë sovranitetin, kush do të jetë më i gatshëm të jetë bashkëpunues ndaj bashkësisë ndërkombëtare”.
Për Luzhën temë e nxehtë do të jetë dialogu mes Kosovës dhe Serbisë, përderisa tha se partitë duhet të jenë të sinqerta dhe të garojnë rreth kësaj.
“Kemi pa ndërrim të qasjes edhe nga bashkësia ndërkombëtare. Ata vazhdimisht e kanë pozicionu dialogun. Ne jemi ankuar, por dialogu ka qenë çështje e varur. Haradinaj ka menduar që dialogu s’është punë e tij dhe vendi është blloku. Gara është e fortë, është më e barabartë”.
Në zgjedhjen e 6 tetorit Luzha pohoi se gara e fortë do të zhvillohet në mes të LDK-së dhe Vetëvendosjes, për vendin e parë.
