Presidenti i Kosovës, Hashim Thaçi, ka vendosur që me dekret t’u falë dënimin vëllezërve Arsim dhe Burim Ramadani, si dhe Arben Kiqinës.
Këta të fundit janë bashkuar me familjet e tyre dhe numri i madh i dashamirëve të tyre janë parë tek shtëpia e tyre për t’i uruar për lirimin e tyre.
Sot në vizitë ishin edhe kryetari i Drenasit, Ramiz Lladrovci, dhe ai i Skënderajt, Bekim Jashari.
Lladrovci ka thënë lirimi i Arsim e Burim Ramadanit dhe Arben Kiçinës është i vonuar por i mirëpritur.
“Lirimi i vëllezërve Arsim e Burim Ramadanit dhe Arben Kiçinës, ndonëse është i vonuar, është i mirëpritur. Angazhimin tim për ndriçimin e drejtë të rastit me kërkesën për lirimin e tyre si të pafajshëm, vite më parë, pranë instancave madhore, e kam konsideruar si çështje të drejtë. Besoj se ende drejtësia ka për ta thënë fjalën e vet, duke nxjerr në pah të vërtetën lidhur me rastin. Mirë se erdhe Arsim, Burim e Arben”, ka thënë Lladrovci./Drenicapress.info/
