Kryetarët e Drenasit e Skenderajt, Ramiz Lladrovci dhe Bekim Jashari, aktualisht janë në Frankfurt, duke shijuar diellin e kryeqytetit evropian për financa. “Gjermanët janë mostër për shumë nga ne që kemi bashkëjetuar me ta”, ka shkruar në rrjetin social Lladrovci.
Në postim në rrjetin social, Ramiz Lladrovcit shihet me Bekim Jasharin, ku ka shkruar se “Gjermania strehoi dhe përkrahu qytetarët tanë në ditët më të vështira”, duke lavdëruar edhe bashkatdhetarët pa të cilët thotë se “pa kontributin e të cilëve, nuk do ta arrinim aq lehtë lirinë”.
Postimi i Lladrovci në rrjetin social:
Në Frankfurt, me mikun tim Bekimin, afër ndërtesave të zemrës financiare të Evropës, në zonën e Bankës Qendrore Evropiane, me mot të mirë dhe vullnet.
Gjermania strehoi dhe përkrahu qytetarët tanë në ditët më të vështira, këndej, kemi kaluar vite me veprimtari të pandalshme me bashkatdhetarët pa kontributin e të cilëve, nuk do ta arrinim aq lehtë lirinë.
Gjermanët janë mostër për shumë nga ne që kemi bashkëjetuar me ta!
