Në seancën e jashtëzakonshme të Kuvendit të Kosovës, ku pritet të votohet për zgjedhjen e Qeverisë së re, përveç deputetëve të Lëvizjes Vetëvendosje, në sallën plenare janë parë edhe deputetët e Listës Serbe.
Deputetët e Listës Serbe janë parë duke hyrë në sallën e Kuvendit, ku pritet të zhvillohet votimi për formimin e Qeverisë Kurti 4.
Ndërkohë, në sallë nuk janë parë ende deputetët e Lidhjes Demokratike të Kosovës dhe Partisë Demokratike të Kosovës.
PDK-ja ka bërë të ditur më herët se nuk do të marrë pjesë në seancën ku pritet të votohet Qeveria e re.
