Mandatari për formimin e Qeverisë së re, Albin Kurti, ka nisur prezantimin e ekspozesë së tij dhe të kabinetit qeveritar në seancën e jashtëzakonshme të Kuvendit.
Me nisjen e seancës, Kurti u ftua nga kryetarja e Kuvendit, Albulena Haxhiu, që të paraqesë programin e tij para deputetëve.
Kurti tha se nuk do të ketë një ekspoze të re, pasi sipas tij, zgjedhjet e reja vetëm sa e kanë ndërprerë qeverisjen që ishte në fuqi.
“Të nderuar deputetë, nuk do të kem ekspoze të re realisht, ngaqë këto zgjedhje të reja vetëm sa na e kanë ndërprerë qeverisjen e njëjtë”, tha Kurti.
