Platforma “Liria ka Emër” ka zhvilluar sot një aktivitet simbolik para objektit të EULEX-it në Prishtinë, ku ndodhet edhe Zyra e Dhomave të Specializuara të Kosovës.
Aktiviteti ka nisur në orën 11:00 dhe është paralajmëruar si një aksion simbolik e demokratik, në mbështetje të ish-pjesëtarëve të Ushtrisë Çlirimtare të Kosovës që po gjykohen në Hagë.
Gjatë aksionit, organizatorët kanë shpalosur një mesazh para hyrjes së objektit, ndërsa më pas është mbajtur edhe një fjalim.
Aksioni është zhvilluar në Prishtinë, para objektit ku ndodhen institucionet që lidhen me misionin e EULEX-it dhe Dhomat e Specializuara, ndërsa “Liria ka Emër” ka vazhduar kështu aktivitetet e saj publike në lidhje me proceset gjyqësore ndaj ish-pjesëtarëve të UÇK-së. /Lajmi.net/
