Në orët e pasdites ka ndërruar jetë edhe një person nga Covid 19 në Viti, raporton Gazeta Blic.
Ai është 64 vjeçari, Feti Bajrami- vozitës i pacientëve me hemodializë në QKMF-në e Vitisë.
Lajmin e ka bërë të ditur doktoresha e Qendres Kryesore të Shëndetësisë në Viti, Vjollca Kadolli.
Njoftimi i plotë:
Vdes edhe një punëtor i QKMF-së në Viti nga COVID19, vozitësi z.Feti Bajrami
Ne orët e pasdites sot ka ndërruar jetë në moshën 64vjeçare Feti Bajrami- vozitës i pacientëve me hemodializë në QKMF-së Viti.
Feti Bajrami ka lindur në fshatin Tërpezë në vitin 1956 dhe është punësuar në QKMF-Viti në vitin 2000 , ku ka punuar deri kohën e fundit kur është atakuar nga sëmundja COVID 19.
Gjatë kohës që ka punuar në QKMF është shquar për urtësi, sjellje korrekte me pacientët dhe kolegët.
Në emrin tim dhe të personelit të QKMF-së shpreh ngushëllimet më të sinqerta familjes dhe qytetarëve vitias.
I lehtë të qoftë dheu i Kosovës, kolegu ynë.
Dr.Vjollca Kadolli-Halili
