Kombëtarja e Kosovës ka zhvilluar një tjetër seancë stervitore, parapërgatitje për ndeshjen ndaj Andorrës, e cila zhvillohet më 7 qershor.
Sipas njoftimit nga FFK-ja, portieri Aro Muric ka pasur shqetësim në muskujt e kërdhokullës së djathtë, derisa do të vlerësohet shkalla e lëndimit, nëse do të mund të luaj të dielen, shkruan IndeksOnline.
Njoftimi i plotë:
Kombëtarja e Kosovës ka zhvilluar sot stërvitjen e radhës në kuadër të përgatitjeve për ndeshjen miqësore kundër Andorrës, e cila do të zhvillohet më 7 qershor në stadiumin “Fadil Vokrri”.
Edhe në këtë seancë stërvitore u punua me përkushtim, disiplinë të lartë dhe ritëm të mirë, derisa atmosfera në kampin dardan mbetet shumë pozitive.
Gjatë stërvitjes, portieri Arijanet Muriç ka ndier shqetësim në muskujt e kërdhokullës së djathtë.
Stafi mjekësor i Kombëtares do t’i kryejë ekzaminimet e nevojshme për të konstatuar nëse bëhet fjalë për ndonjë lëndim që mund ta lë jashtë fushës./IndeksOnline/
