Në kuadër të angazhimeve dhe investimeve për mjedis të pastër, Komuna e Skenderajt sot ka filluar ndërrimin e kontinjerëve të mbeturinave në qytetin e Skenderajt.
Projekti i ndërrimit të kontinjerëve ka filluar sot dhe do të realizohet në fillim në qytetin e Skenderajt dhe në Kompleksin Memorial “Adem Jashari”. Në këtë fazë kontinjerët e vjetër në qytet do të zëvendësohen me të rinj. Ky projekt po realizohet në bashkëpunimin me kompanin regjionale për menaxhimin e mbeturinave Uniteti, më qëllim të ofrimit të shërbimeve më të mira për qytetarët e Skenderajt.
Në fushën e përmirësimit të mjedisit Komuna e Skenderajt në bashkëpunim me kompaninë Uniteti ka bërë largimin e 113 deponive ilegale në tërë territorin e Komunës së Skenderajt.
Komuna e Skenderajt dhe Nënkryetari Fadil Nura apelojnë te qytetarët që ta ruajnë ambientin dhe të bëjnë marrëveshja me kompaninë Uniteti për shërbimin e heqjes së mbeturinave familjare.
