Në dy lokacione të ndryshme në Skenderaj janë konfiskuar substanca narkotike transmeton Gazeta Drenica Press.
Lajmi është konfirmuar nga organet e rendit ku thuhet se në njërin rast, në rrugën “Xhevë dhe Fehmi Lladrovci” në Skenderaj, më 27.08.2018 në ora 14:00 është arrestuar i dyshuari mashkull K/Shqiptar, pasi që gjatë bastisjes në shtëpinë e tij, është gjetur dhe konfiskuar një qese me substancë të dyshuar narkotike e llojit marihuanë me peshë 2.35 gram si dhe 6 fara të dyshuara si kanabisativa.
Pas intervistimit, me vendim të prokurorit, i dyshuari është liruar në procedurë të rregullt.
Një rasat tjetër i konfiskimit të substancave narkotike në Skenderaj është regjistruar poashtu me datën 27.08.2018-14:20 në qytetin e Skenderajt
“Janë arrestuar dy të dyshuar meshkuj K/Shqiptarë, pasi që gjatë kontrollit te të njëjtit, është gjetur dhe konfiskuar substancë e dyshuar narkotike e llojit marihuanë me peshë 6.12 gram. Pas intervistimit, me vendim të prokurorit, të dyshuarit janë liruar në procedurë të rregullt”, thuhet në njoftim. /Drenica Press/
